Usisaammut tikilluarit

Pequtinik assartuisumik Kalaallit Nunaannut Kalaallit Nunaanniillu pikkorissumiit ikiorneqarnissat pisariaqartippiuk, taava ilimagisinnaavat Usisaap ikiorluarsinnaagaatit.
Usisaat suliffeqarfiuvoq, pequtinik assartuinermi ukiuni 45-ni misilittagaqarsimalluni.
Suliffeqarfiup niuernermi suliassat piffissap ingerlanerani annertusisarsimavai, sullitatut ikiorneqarluarniassagavit. Ullumikkut Usisaat nioqqutissat pequtillu Kalaallit Nunaanni avataanilu nassiussinissaat assartornissaallu neqeroorutigai, aammattaaq nunarsuaq tamakkerlugu piffinniit piffinnullu angallassisarluta. Usisaat aamma Kalaallit Nunaanni nioqqutissanik pissamaateqartarpoq, toqqorsivinnit attartuisoqarsinnaavoq biilillu suliaritinneqarsinnaallutik. Inuinnarnut, suliffeqarfiinnut pisortanullu sulifeqarfiinnut naleqqiuppugut.

Attavigineqarusuppit?

Suliffeqarfik ineriartortuartoq

Usisaat suliffeqarfittut ineriartortuartutut niuernermilu suliassat annertusisarneqarnissaannut sulissutigisarpaa, sullitatsinnut naleqarnerulertitsiniassammat. Usisaat illit sullitatut qitiutittuassavaatit. Pikkoriffipput ilaat tassaavoq, qaqugukkulluunniit sullissisaratta, suliassagullu ajunnginnerpaamik aaqqiiffiginiassagatsigit immikkoortortaqarfinni assigiinngitsuni sulisarluta.

Taamaalilluni sulisugut annertuumik piumaffigineqalersarput ulluinnarnilu pissanganartitsisarluni ataatsimoortitsisarlunilu. Taamaattumik annertuumik qitiutittarparput sullivinnik avatangiiseqarluarnissaq sulisullu nuannaarnissaat, siunertarigatsigu sullitagut sullilluarnissaat, suliassallu aaqqiiffigineqarluarnissaannut sulisut qiimasut pingaaruteqarlutik.