Qaammatit siulliit arfinillit
Kenneth, Usisaammi pisortaq, maanna qaammatit arfinillit sinnerlugit pisortatut sulereerpoq.
Kenneth sulilerpoq suliffeqarfiup sullissinissaa unammillersinnaassusaalu aalluttussaallugit, oqarsinnaavugullu sulilluarsimalereersoq. Usisaammi suliffeqarfittut allivoq sullitallu amerlipput.
Kenneth inuttut misissueqqissaartuuvoq, inoqatiminik nuannarisaqarluartoq inissaqartitsisorlu. “Suliffeqarfik Usisaattulli angitigisoq siuarsassagaanni sulisut ajunngitsumik innerat qulakkeertariaqarpoq” Kenneth oqarpoq. Taamaammat aamma suliniutaasa ilarivaat Usisaammi sulisut ammasumik aperisarneri, sulisummi isummersornerat tusaarusullugulu inissaqartikkusuppaa. Usisaat suliffeqarfiussaaq sulisumi isumaanik tusarnaarlunilu inissaqartitsisoq, taakkumi suliffeqarfimmut siuarsaataasuummata.
Kenneth Nuummut tikeqqaarnini eqqaamalluarpaa. Apivoq, sumut qiviaraanni kusanaq tikilluaqqusinerlu nuannersoq misigivai. Taakkulu ilaatigut peqqutigalugit Kenneth angerlarsimaffittaani nuannarillualersimavaa. Kenneth qaammatit siulliit arfinillit ingerlalluarninni pilluarit, qaammaterpassuit tullii qilanaarnat.