Usisaat Flyttefirma Ilulissani aqutsisoq
Ilulissani immikkoortortaqarfipput inerisarnissaanut aammalu ulluinnarni ingerlatsineranut peqataarusuppit? Qarasaasiamut ilisimasaqarpit? Taava immaqa illiuvoq aqutsisussarput.
Atorfik pillugu
Aqutsisutut suliassat imarai ulluinnarni suliassat qulakkeernissai aamma suliat sullitallu pitsaasumik ingerlanneqarnissai. Suliffeqarfiup sulisullu anguniakkamut ineriartortuarnissai akisussaaffik paaralugu.
Suliassat
- Ulluinnarni suliassanik qulakkeerinninneq aamma sulisut akisussaaffigalugit
- Suliassanut pilersaarusiorneq
- Suliat pillugit paasissutissanik qullersaqarfimmut attaveqarneq
- Allaffissorneq aamma nalunaarusiorneq
Ujartugarput
- Aqutsinermut pisinnaalluartoq suleqatinullu sulerusussermik pilersitsisinnaasoq
- Allaffissornermut nalunngisaqartoq
- Attaveqaqatigiinnermut suleqatigiinnermut pisinnaalluartoq
- Ulluni ulapaarfiusuni suliassanik tulleriiaarisinnaasoq
Piumasaqaataangilaq nassiussassalerinerup iluani misilittagaqareersimanissaq, ilinniartilluarneqarnissat isumagissavarput.
Atorfimmut neqerooritigaagut
- Suliffeqarfik pissanganartoq akisussaaffimmik ineriartornissamullu periarfissalik
- Nassiussassalerinerup iluani ilinniartilluarneqarnissaq
- Suleqatit suliffeqarfillu pitsaasut
- Atorfininnermi atugassarititaasut pitsaasut
Qulaani allassimasut ilinnut tulluarpat? Qinnuteqaatit uunga nassiuguk pean@usisaat.gl
Atorfik pillugu apeqqutissaqaruit ingerlatsinermi pisortaq Per Andersen attavigiuk +299 55 84 20 mail pean@usisaat.gl
Tusarfiginissat qilanaaraarput!