Usisaat qanoq isumagisarpaa?
- Pigisat tamarmik nuunnermut karsinut isumannaatsumik poortorneqassapput
- Pigisat angisuut ulittaatinik plastimillu pujuiaasartumik illersorneqassapput
- Pigisat ajoquseriasaarnerusut immikkut illersorneqarlutik poortorneqassapput
- Kalaallit Nunaanni nunanilu allani assartuinermut naleqquttumik akuersissutaasumik poortuutinik atuivugut
Illit nammineq qanoq isumagissaviuk?
- Pequtit, qullit, saqqortat, TV-mut nivinngaatit kiisalu atortut innaallagissamik atorneqartut piiarnissaat
- Nassiussinnginnermi nillataartitsiviit qerititsiviillu salinneqarlutillu aakkiivigineqarnissaat. Qerititsivik nillataartitsivillu ikinnerpaamik akunnerit 24-t sioqqullugit aakkiivigineqassapput
- Salereernerup kingorna matut ammasuutinneqarnissaat (tipiliornissaq pinngitsoorniarlugu)
- Errorsiviit erruutillu imermik tamakkerlugit kuutsinneqarnissaat
- Errorsivimmut assartornermi ikkutassat nuunnissaq sioqqullugu ikkussorneqassapput
- Suut nuunneqartussaanngitsut ersarissumik nalunaaqutserneqarnissaat
- Aqqutaani pisariaqartinneqarsinnaasut karsinut “VAKANT”imik nalunaaqutserneqarsimasunut poortorneqarnissaat
Eqqaamassavat
- Nuunnissaq sioqqullugu skabbiit, igalaaviit pequtillu tamarmik imaarneqassapput
- Elektronikkit tamarmik qaminneqarlutillu assartornissamut piareersarneqassapput
- Pigisat immikkut naleqartut imaluunniit ajoquseriasaarnerusut assilineqassapput (uppernarsaatitut)
- Allagaatit pingaarutillit (pasit, isumaqatigiissutit il.il.) katersorneqarlutillu nammineq nassarneqassapput
- Periarfissaqarpat batteriit atortunit piiarneqassapput
- Imigassat imerpalasullu tamarmik matulluagaallutillu piiarneqarsimanissaat qulakkeerneqassaaq
- Tikikkuminartuunissaq isumagissavat (assersuutigalugu aput peerlugu inissaqartitsillutit)
- Pigisat immikkut oqimaatsut imaluunniit nuunnissaannut ajornakusoortut sioqqutsisumik nalunaarutigissavatit
Pigisat poortorneqartussaanngitsut imaluunniit assartorneqartussaanngitsut
- Imerpalasut ikuallajasut (ass. benziina, gassi qalipaallu)
- Gassinut puussiat naqitsinerlu atorlugu sprayit
- Qummorortartut imaluunniit qaarsinnaasut
- Kemikaliat (akuutissat)
